Swyddog Monitro a Chlerc yr Awdurdod Tân ac Achub

Swyddog Monitro a Chlerc yr Awdurdod Tân ac Achub

Lleoliad – Pencadlys y Gwasanaeth, Caerfyrddin

Cyflog – £106,554 (pro rata ar sail dau ddiwrnod yr wythnos)

Mae Gwasanaeth Tân ac Achub Canolbarth a Gorllewin Cymru yn amddiffyn ac yn gwasanaethu cymunedau ar draws rhanbarth eang ac amrywiol o Gymru, gan gwmpasu Sir Gaerfyrddin, Ceredigion, Sir Benfro, Castell-nedd Port Talbot, Powys ac Abertawe. Ein Hawdurdod Tân ac Achub sy’n darparu llywodraethiant democrataidd y Gwasanaeth, gan sicrhau ei fod yn gweithredu’n effeithiol, yn dryloyw ac er budd gorau’r cymunedau y mae’n eu gwasanaethu.

Rydym nawr eisiau penodi Swyddog Monitro a Chlerc profiadol â hygrededd i’r Awdurdod Tân ac Achub i gefnogi’r Awdurdod i gynnal y safonau uchaf o lywodraethu, uniondeb ac ymddygiad moesegol.

Mae hon yn rôl statudol, sy’n gyfrifol am gyflawni swyddogaethau’r Swyddog Monitro o dan Ddeddf Llywodraeth Leol a Thai 1989 a chynghori’r Awdurdod Tân ac Achub ar faterion cyfansoddiadol, deddfwriaethol a gweithdrefnol. Mae’r rôl hefyd yn gweithredu fel Clerc i’r Awdurdod, gan sicrhau bod ei brosesau democrataidd, ei gyfarfodydd a’i drefniadau llywodraethu’n gweithredu’n gyfreithlon ac yn effeithiol.

Gan weithio’n agos gyda Chadeirydd yr Awdurdod Tân, Aelodau’r Awdurdod a’r Prif Swyddog Tân, bydd deiliad y swydd yn cynnig cyngor proffesiynol annibynnol ar lywodraethu a safonau, yn goruchwylio Cyfansoddiad a threfniadau Cod Ymddygiad yr Awdurdod, ac yn helpu i sicrhau bod proses gwneud penderfyniadau’r Awdurdod yn gadarn, yn dryloyw ac yn cydymffurfio â deddfwriaethau a chanllawiau perthnasol.

Rydym yn chwilio am unigolyn sydd â:

·      Gwybodaeth gref am lywodraethu llywodraeth leol, arfer cyfansoddiadol a fframweithiau safonau.

·      Profiad o gynghori aelodau etholedig ac uwch arweinwyr ar faterion cyfreithiol, llywodraethu neu weithdrefnol.

·      Gallu i ddarparu cyngor annibynnol, cytbwys a dibynadwy mewn amgylchedd cymhleth yn y sector cyhoeddus.

·      Sgiliau barn, hygrededd a chyfathrebu rhagorol.

Mae hwn yn gyfle gwych i weithiwr proffesiynol llywodraethu profiadol, uwch-gyfreithiwr neu gyn-Swyddog Monitro awdurdod lleol gyfrannu at lywodraethu effeithiol gwasanaeth cyhoeddus hanfodol.

I gael gwybod mwy a sut i wneud cais ewch i Penna | Jobs neu am drafodaeth anffurfiol am y rôl gyffrous hon cysylltwch â Fizza Islam yn Fizza.Islam@LHH.com neu ar 0141 220 6460.

Rhaid cyflwyno ceisiadau erbyn hanner nos ar ddydd Sul 17 Mai, 2026.

Download the Candidate Briefing Pack

How to Apply

1. Upload your CV under “Please select one of the options below.”
2. Complete the short mandatory fields on the next page.
3. Use ‘Add Attachments’ to upload your Supporting Statement and any other documents.
4. Please ensure that the file name of your CV and supporting statement includes your full name.
5. Ensure both CV and Supporting Statement are uploaded before submitting your application.
6. If you have a long-term health condition or disability and would like your application to be considered in accordance with a Disability Confident Scheme, please email: execapplications@penna.com, to inform the Penna team.